Планета халқы жыл сайын 1 миллиард тоннадан астам тамақты тастайды .

Біріккен ұлттар ұйымының климат бойынша конференциясында БҰҰ Қоршаған орта жөніндегі бағдарламасының жетекшісі Ингер Андерсен су мәселесі – климатқа қатысты мәселелердің негізгі тақырыбына айналуы керектігін айтты.

"Әлемде үш миллиардтан астам адам су жетіспеушілігінен зардап шегеді. Ал табиғи апаттардың 90 пайызы дәл осы сумен байланысты", – деді ол.

Ингер Андерсеннің айтуынша, UNEP, Бүкіләлемдік метеорологиялық бағдарлама және БҰҰ Еуропалық экономикалық комиссия қолдайтын су жөніндегі климаттық шаралар бастамасы табиғатты қорғау саласындағы шешімдерді су ресурстарын басқару ісімен біріктірілген. Бұл әсіресе әлеуметтік тұрғыдан осал өңірлерге тән.

Сондай-ақ, UNEP басшысы әлем бойынша азық-түлік қалдықтарын 2030 жылға дейін екі есе азайту бастамасы іске қосылғанын хабарлады. Бұл метан шығарындыларын 7 пайызға азайтып, жаһандық аштық деңгейін төмендету үшін маңызды.

UNEP есебінше, планета халқы жыл сайын 1 миллиард тоннадан астам тамақты тастайды, бұл жаһан бойынша парник газдарының 10 пайызының қалыптасуына әкеледі.

Оқи отырыңыз:

• Бұл кең ауқымды алаяқтыққа ұқсайды – Қасым-Жомарт Тоқаев жаһандық климаттық бастамалар туралы
• Қазақстанның жылынуы жаһандық көрсеткіштен асып түсті – Климат өзгерісі бойынша жобалық кеңсе