Танымал продюсер Баян Мақсатқызының жобасы “Алтын ханым” байқауының нәтижесі қызу талқыға түсті, деп хабарлайды Skifnews.kz ақпарат порталы.

Айта кетейік, қарапайым әйелдерден құралған байқау елімізде бірінші рет өткізіліп отыр.

Байқау қорытындысы бойынша бас жүлдені Ақтөбе қаласынан келген кәсіпкер Самал Асанова жеңіп алды. Ол "Samal_cakes" кондитер үйінің иесі.

“Баян Мақсатқызы мен "Алтын Ханым" командасына шексіз алғысымды білдіремін. Сондай-ақ мені қолдаған, дауыс берген әрқайсыңызға мың алғыс! Бұл жеңіс – біздің ортақ жетістігіміз, сіздердің сенімдеріңіз бен қолдауларыңыздың арқасы”, – деп жазды кәсіпкер әйел.

Алайда жобаның өту барысы желі қолданушылары арасында түрлі пікір туғызды. Әсіресе, кейбір қатысушыларға ынталандыру ретінде гүл де бермегенін желі қолданушылары сынады.

“Қалғандарына тым болмаса гүл бермеді ме?", "Бұл әділетсіз деп ойлаймын. Себебі, Самалдың аудиториясы үлкен әрі белсенді", "Ақтөбеліктердің ауызбіршілігі күшті екен", “Тұрсынның туған күнінде торт пісірген келіншек жеңімпаз болды”, “Қаншама қатысушыларға обал болды. Олардың аудиториялары үлкен емес”– деп жазды көпшілік.

@samal_asanova

Торт 120кг

♬ оригинальный звук — Samal Assanova