Бүгін Оқу-ағарту министрлігінде «Қазақстан балалары» онкүндігі аясында ерекше кездесу өтті. Еліміздің бас ұстазы Ғани Бейсембаев дарынды мектеп оқушыларын, олимпиада жеңімпаздары мен оқу озаттарын қабылдап, білімгерлермен пікір алмасты. Оқушылар министрге мектеп өмірі мен болашаққа қатысты сұрақтар қойып, білім саласын жақсарту жөніндегі ұсыныстарын білдірді. Іс-шара соңында оқушылар министрлік бөлімдерінің жұмысымен танысып, білім жүйесіне қатысты шешімдер қалай қабылданатынын көрді. Ғани Бейсембаев балаларды оқу жылының аяқталуымен және халықаралық балаларды қорғау күнімен құттықтап, естелік сыйлықтар табыс етті.

Ернұр Медет