Тергеу барысында айыпталушының 2,7 млн теңгеге жуық қаржы жымқырғаны анықталды.
Өскемен қаласының №2 соты "Төтенше жағдайлар министрлігінің Қазселденқорғау" мемлекеттік мекемесінің облыстық филиалының басшысы Советбек Станбековке қатысты үкім шығарды, деп жазады inbusiness.kz сайты.
Тергеу барысында Советбек Станбеков қала тұрғынын мекемеге жалған жұмысқа орналастырып, мемлекет қаржысын 2,7 млн теңгеге жуық көлемде жымқырғаны анықталды.
Сот шешімімен С.Станбеков кінәлі деп танылып, 3 жылға бас бостандығынан айырылды және оған мемлекеттік және квазимемлекеттік секторда қызмет атқару құқығынан өмір бойына айыру жазасы да тағайындалды.
"Конституцияның 77-бабы 3-тармағының 1-тармақшасына және Қылмыстық-процестік кодекстің 19-бабы 1-бөлігіне сәйкес, қылмыстық құқық бұзушылық жасаудағы кінәсі соттың заңды күшіне енген үкімімен белгіленгенге дейін әрбір адам кінәсіз деп есептеледі", — делінген Антикор хабарламасында.
Сот актісі заңды күшіне енген жоқ.
