Бұл туралы Қазақстан Республикасы Ұлттық Олимпиадалық комитетінің ресми сайты хабарлады.

Қазақстандық ауыр атлет Әлихан Әскербай жарыс барысында жалпы 6 рекорд жаңартқан, деп хабарлайды inbusiness.kz сайты.

Қазақ спортшысы үшін Бахрейннің Манама қаласында өтіп жатқан жасөспірімдер арасындағы Азия ойындары толағай табысты болды. 71 келіге дейінгі салмақта сынға түскен ол 2 рет чемпион атанып отыр.

Әуелгіде ол жұлқа көтеруде қарсылас шақ келтірмесе, одан соң серпе көтеруде де алдына жан салмады.

Әлихан Әскербай 172 келіні оңай көтеріп, жасөспірімдер арасында әлем, Азия және Азия ойындарының рекордын жаңартқан. Демек, қазақ баласы 2 алтын алып, 3 рет рекордқа өзгеріс енгізді.

Дәл осы салмақта екінші орынға қытайлық Чен Синсин (171 келі) жайғасса, Оңтүстік Корея өкілі Ха Джун Ким (167 келу) үздік үштікке енді.

Еске салайық, Әлихан Әскербай жарыс барысында жалпы 6 рекорд жаңартуымен есте қалды.