Олардың туысы үндеу жариялады .

АҚШ полициясы Қазақстаннан шыққан екі азаматты ірі көлемде кокаин тасымалдау ісіне қатысты ұсталды, деп хабарлайды inbusiness.kz сайты Tengrinews.kz-ке сілтеме жасап.

Ұсталғандардың бірінің ағасы олардың жазықсыз екенін айтты. Техас штаты Чемберс округінің шериф кеңсесінің хабарлауынша, 27 қыркүйекте I-10 автомагистралінде келе жатқан автовозды тексеру үшін тоқтатқан.

"Сигма атты қызметтік ит оң белгі бергеннен кейін, автовозда көлік құралының ішіне жасырылған 35 килограмм кокаин табылды", – делінген шериф кеңсесінің Facebook парақшасындағы хабарламасында.

Ведомствоның мәліметінше, Нью-Йоркте тұратын Нұрсұлтан Мұқтарали атты жүргізуші мен Пенсильвания штатынан жолаушы Мұхит Дәнібеков ұсталды. Олар аса ірі көлемде есірткі сақтау бойынша бірінші дәрежелі қылмыс жасады деп айыпталып отыр. Ер адамдар Чемберс округінің түрмесіне қамалды.

Мұхит Дәнібековтың ағасы Жомарт Дәнібеков үндеу жариялап, олардың кінәсіз екенін айтқан. Оның айтуынша, Мұхит пен әріптесі Нұрсұлтан жүк таситын жүргізушілер болып жұмыс істейді, олар көлік тасымалдаумен айналысқан және бір көліктің ішіне есірткі жасырылғанын білмеген.

Қазір олардың отбасылары кепіл ақша мен адвокат жалдау үшін қаражат жинап жатқаны белгілі болды. Әрқайсысына 200 мың доллар көлемінде кепіл белгіленген.

"Олар Америкаға жұмыс істеу үшін барды. Менің інімнің үш кішкентай қызы бар, ал жұбайы ауыр дертке шалдыққан. Біз барлық жанашыр жандардан көмек сұраймыз", – деп жазды Жомарт Дәнібеков.