Ақтөбеде жер үйден үш адамның денесі табылды.

60 жастағы әйел мен оның екі немересі газ немесе ыстан улануы мүмкін, дейді мамандар. Алайда нақты себебі тергеу шараларынан кейін анықталады. Қазір полицейлер қылмыстық іс қозғап, газ жабдығын тексеріліп жатыр. Сот-медициналық сараптама да тағайындалды. Көз жұмған 15 жастағы баланың «Ақтөбе» футбол клубының жасөспірімдер командасының ойыншысы екені белгілі болды. Клуб өкілдері жас футболшының отбасына қаржылай көмек көрсететінін мәлімдеді.

Әсет Жомарт, «Ақтөбе» ФК медиа-офицері:

- Арон Мұса өткен жылы "QJ-Лига" турниріне U-16 іріктелген болатын. 2022 жылдан бастап прогрессивті түрде өзін көрсетіп команда капитаны болған болатын. Қазақстан ұлттық U-16 командасына кандидаттардың бірі болған еді. Үлкен тізімге енген болашағынан үлкен үміт күттіретін ойыншылардың бірі. Оның жарқын ойындары мәңгі есімізде.