Жетісу облысында «ең үлгілі елді мекен» анықталды.

«Таза Қазақстан» республикалық акциясы шеңберінде аталған байқау қорытындыланды. Жеңімпаз атанған әкімшілік аумақ басшыларына қаржылай сертификат табысталды. Өңірдегі ең үздік елді мекен деп Қаратал ауданындағы Кәлпе ауылы танылды. Екінші орынды Көксу ауданындағы Жарлыөзек ауылы иеленсе, үздік үштікті Ескелді ауданындағы Алдабергенов пен Алакөл ауданындағы Ақтүбек ауылы түйіндеді. Ал «Үлгілі аудан орталығы» конкурсында Сарқан, Жаркент және Сарыөзек кенті жеңімпаз атанды. Салтанатты шарадан соң көпшілік сенбілікке қатысты.

Мәрлен Көлбаев, облыс әкімінің орынбасары:

- Біздің Жетісу облысында сенбілікке 22 мың адам қатысты. 9 мың ағаш көшеті отырғызылды.