Қазақстанның Еңбек сіңірген қайраткері, жазушы Жұмабай Шаштайұлының туғанына – 75 жыл. Осыған орай Алматылық қаламгерлер мен оқырман қазақ әдебиетінің көрнекті өкілін еске алды.

Қайраткерге арналған «Өзгермеген адам» атты кітап таныстырылды. Онда жазушының шығармашылық жолы, елге сіңірген еңбегі жайлы жазба деректер мен замандастарының естеліктері басылған. Шараға зиялы қауым өкілдері, жазушының шәкірттері мен отбасы қатысты. Жұмабай Шаштайұлы еңбек жолын газет-журналдардан бастап, халықаралық «Заман-Қазақстан», «Қазақ әдебиеті» газеттерінің және Қазақ радиосының бас редакторы қызметтерін атқарды. Қаламгердің «Қызыл қар», «Жала мен нала», «Жыр жолбарыс», «Біздің заманның Аяз биі», «Жаңғырық» атты жинақтары мен романдары оқырманға етене таныс. Жазушының шеберлігін алғаш болып замандастары байқап, қолдау көрсетіпті.

Жұмаш Кенебай, ақын, қоғам қайраткері:

- Сейдахмет Бердеқұлов баспаға директор болып келе қалады. Сол кісіге «мынау нағыз талант және бір жағынан сіздің жерлесіңіз өз алдынан» дедім. Бұл менің құрдасым. Бірақ мына талантты шағармашылықтарымызды шығаруымыз керек қой дедім. Жарайды өздерің алыңдар мойындарыңа деп. Сосын кітабын 14-15 томдық баспа көлемде кітап етіп шығардым.