Ақтау прокуроры Ерболат Әбдіров Алматы әуежайындағы оқиғадан кейін уақытша қызметінен шеттетілді, — деп хабарлайды Massaget.kz тілшісі Lada.kz-ке сілтеме жасап.

Бас көлік прокуратурасының мәліметінше, Алматы авиациялық көлік прокуроры Ақтаудың мамандандырылған сотының Әбдіровке қатысты "ұсақ бұзақылық" ісін тоқтату туралы шешіміне шағым түсірген.

Апелляциялық шағым мен сот актісінің заңдылығы Маңғыстау облыстық сотында қаралады. Осыған байланысты қызметтік тергеу жүргізіліп жатқандықтан, "Құқық қорғау қызметі туралы" заңның 38-бабы 1-бөлігінің 2-тармағына сәйкес, Әбдіров жауапкершілігіне қатысты түпкілікті шешім қабылданғанға дейін уақытша қызметінен шеттетілді.

Еске салайық бұған дейін БАҚ-та Ақтау прокуроры Алматы әуежайында полицияға ұсталғаны және оған қатысты құқықбұзушылықтар туралы хаттамалар толтырылғаны хабарланған еді. Telegram-арналарда Ақтау қаласының прокуроры Ерболат Әбдіров Алматы әуежайында мас күйде жанжал шығарғаны үшін ұсталып, айыппұл салынды деген ақпарат тарады. Сот бұл айыптауларды негізсіз деп тауып, істі құқықбұзушылық құрамының болмауына байланысты тоқтатқан.

Аптаның басты оқиғалары мен пайдалы видеоларды көру үшін YouTube арнамызға жазылыңыз