Елдегі жағдай әлемдік БАҚ-тың назарын өзіне аударып үлгерді.

Непалдағы Gen-Z қозғалысының наразылығынан соң Жоғарғы сотының бұрынғы төрағасы Сушила Карки уақытша үкімет басшысы лауазымына ұсынылды, деп хабарлайды inbusiness.kz сайты.

Ол енді жаңа сайлауға дейін өтпелі кезеңде елді басқаратын болады. Оның кандидатурасы Gen-Z қозғалысының виртуалды жиналысында мақұлданып отыр.

Жаңа басшы наразылық шерулері кезінде қаза тапқандардың отбасыларына қолдау көрсету басымдық бермек. Карки Непалдағы жағдайдың өте күрделі екенін мойындайды, бірақ оған өзгеріс жасайтынына сендірді.

– Біз елдің дамуы үшін бірге жұмыс істейміз және Непалға жаңа бастама беруге тырысамыз, – деді ол.

Сушила Карки көрші ел Үндістанмен ұзақ мерзімді байланыстың маңыздылығына тоқталып, екіжақты қарым-қатынастардың беріктігін атап өткен.

Еске салайық, бұған дейін Gen-Z жастар қозғалысының өкілдері мен Непал армиясы арасындағы келіссөздің бірінші раундында тараптар саяси мәселелерді талқылаған еді.