«АҚШ Иранмен соғыспауы керек». «Палестина азат етілсін». «Израиль күйресін». Осындай ашық ұрандармен Вашингтон тұрғындары Ақ үйдің алдында наразылық шарасын өткізді, деп хабарлайды 24kz.

Ереуілішілер Иран мен Палестина туларын ұстап алған. Олар АҚШ-тың Таяу Шығыстағы қақтығыстарға араласпауын және Израильдің әскери операцияларын тоқтатуды талап етті. Бұл жерде Израиль ұстанымын қолдайтын аздаған топ та келген. Қарсыластар арасында қақтығыс болып кетпес үшін полиция қауіпсіздікті күшейтіп, екі араны бөліп тұрды.

Блиц 1 :

- Мен тек бейбітшілікті ғана қолдаймын. Иранда соғыс болғанын қаламаймын. Биньямин Нетаньяху Иранда ядролық қару бар деп ойлайды. Бірақ оның еш дәлелі жоқ. Ол Иранды еш дәлелсіз бомбалап жатыр.

Блиц 2:

- Таяу Шығыс соғыс өртіне оранды. Оны Израиль мен АҚШ имперализмі тұтандырды. Халықаралық қауымдастық Израильді Біріккен Ұлттар Ұйымынан шығаруы керек.

АҚШ-тың басқа аймақ-қала тұрғындары да Трамптың Ирандағы соғысқа араласқанына қарсылық білдірді. Оларды көзқарасын «Рейтер» ақпарат агентігі хабарлады.

Пэт Тура, IT маманы:

- Израиль Иранға шабуыл жасады. Таяу Шығыстағы 2 режим өзара қырқысып жатыр. Бұл біздің емес, олардың соғысы. Бұл біздің соғысқа айналмауға тиіс. Өзім тұратын Калифорнияда біз газ үшін осы елдегі ең қымбат ақы төлеп жатырмыз. Ирандағы қақтығыстың әсері бар.

Джушуа Грин, жылжымайтын мүлік маманы:

- АҚШ Иранға қарсы соғысса, оның зардабы өте ауыр болады. Мұнай бағасы шарықтайды. Азық-түлік қымбаттайды. Дағдарыс басталады. Инфляция иесіз кетеді. Трамп өзін бизнестің қамын күйттейтін басшы ретінде көрсетіп жүр ғой, олай болса, отпен ойнамасын.