АҚШ-тың Миннесота штатында апатқа ұшыраған Robinson R66 маркалы тікұшақта болған адамдардың барлығы қаза тапты. Бұл туралы Fox News хабарлады.

Төтенше жағдай Лейквилл қаласындағы Эйрлейк әуежайының маңында орын алған. Әуе көлігі елдімекеннен тыс жерге құлап, бірден өртке оранған. Жердегі тұрғындар мен нысандарға зиян келмеген.

Қазірдің өзінде қаза тапқандардың нақты саны жарияланған жоқ. Құтқару қызметі мен полиция апат орнында жұмыс істеп жатыр.

Robinson R66 – бір қозғалтқышпен жұмыс істейтін, 5 орындық, заманауи әйнек кабинасы бар жеңіл тікұшақ. Ол әдетте жеке рейстер мен шағын жолаушылар тасымалы үшін қолданылады.

Апаттың себебі әзірге белгісіз. Федералдық авиация әкімшілігі мен Ұлттық көлік қауіпсіздігі кеңесі оқиғаның мән-жайын анықтау үшін тергеу бастады.