Елімізде электросамокат жүргізушілеріне қатысты жаңа ережелер енгізілмек. Бұл туралы Ішкі істер министрі Ержан Сәденов хабарлады, деп жазады Egemen .kz.

Оның айтуынша, полицейлер самокат жүргізушілерінің жылдамдықты асыруын тек жаңа заң қабылданғаннан кейін ғана тіркей алады.

Министрдің сөзінше, 2023 жылы қабылданған заңға сәйкес, электросамокаттар көлік құралы ретінде танылған. Қолданыстағы норма бойынша, самокатпен жүрудің рұқсат етілген жылдамдығы 6 км/сағ.

Алайда, қоғамда инфрақұрылымға қатысты сұрақтар көп.

«Самокаттарға қатысты барлық нормалар қабылданды. Бірақ ең үлкен мәселе – инфрақұрылымның жетіспеушілігі. Қазір елімізде небәрі 500 шақырымдай ғана веложол бар», деді Ержан Сәденов.

Жаңа заң қабылданса, ережені бұзған самокат жүргізушілеріне айыппұл салу қарастырылмақ.