Шығыс Қазақстан облысында Шыбынды өзенінің аңғарында бағалы металдарды заңсыз өндіру және жер қойнауын өз бетінше пайдалану дерегі анықталды, — деп хабарлайды Massaget.kz тілшісі.

Күдіктілер заңнама талаптарын бұзып, екі жыл бойы лицензиясыз өзен арнасын өзгертіп, заңсыз алтын өндірген.

"Кен өндіруде ауыр арнайы техника мен кенді қайта өңдеуге арналған жабдық қолданылған. ЖШС-ның заңсыз қызметі салдарынан келтірілген экологиялық залал 300 миллион теңгеден асты. Тінту барысында құны 382 миллион теңге тұратын 6 келі алтын тәркіленді", — деп жазылған хабарламада.

Ұйымдастырушы екі ай мерзімге қамауға алынды. Тергеу жалғасып жатыр.

Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!