Алясканың Анкоридж қаласында АҚШ президенті Дональд Трамп пен Ресей басшысы Владимир Путиннің кездесуіне дайындық жүріп жатыр.
Келіссөздерде Украинадағы соғысты тоқтату мәселесі қаралады. Кездесу 15 тамызға жоспарланған. Оған дейін Трамп Еуропа елдерінің көшбасшыларымен және Украина президенті Владимир Зеленскиймен пікір алмаспақ. Осыған орай Аляска тұрғындары бұл оқиғаны қала тарихындағы маңызды сәт деп бағалады.
Пит Нолан, жергілікті тұрғын:
- Бұл Аляска үшін тамаша мүмкіндік. Мұндай қадаммен біз үлкен шараларды өткізе алатынымызды дәлелдейміз. Анкоридж – қауіпсіз қала. Мұнда ірі әскери-әуе базасы бар. Сондықтан бұл шара қала тарихында есте қалар оқиға болары сөссіз.
