Бала құқықтары жөніндегі уәкіл Динара Зәкиева Қарағанды облысындағы баланы ұрып-соғу оқиғасына пікір білдірді, деп хабарлайды inbusiness.kz сайты.

– Қарағанды облысында 9 жасар балаға қатысты жасалған зорлық әрекеттері бойынша Ішкі істер министрлігіне жүгіндім. Баланың анасымен байланыстамын, – деп жазды Динара Закиева әлеуметтік желідегі парақшасында.

Бұған дейін Балқаш қаласының тұрғыны анасы ұлына қатысты зорлық-зомбылық жасалғанын хабарлаған. Оның айтуынша, сегіз жастағы баласына ересек адам дене жарақатын салып, соққыға жыққан, саусақтарын сындырған.