Олар нағыз сиыр етіне ұқсас бұлшықет тіндерін синтездеуді бастады.

Бұл туралы inbusiness.kz сайты Planet Today порталына сілтеме жасап хабарлайды.

Осылайша, Швейцария зертханаларының бірінде жасанды сиыр еті "өсіріліп" жатыр.

АЗӘРТАДЖ басылымының жазуынша, ғалымдар нағыз сиыр етіне ұқсас бұлшықет тіндерінің нарыққа шығуына әлі бірақ уақыт керек. Оған себеп те жоқ емес.

Негізгі қиындық қажетті қасиеттерге ие бұлшықет құрылымын жеткілікті мөлшерде өндіру болып тұр. Көп жағдайда синтезделген талшықтар тым жіңішке әрі тиісті функционалдық қасиеттері жоқ екені айтылған.

Еске салайық, Сингапурда жасанды тауық еті қазірдің өзінде нарықта ұсынылады. Десе де, сиыр етіне қатысты жағдай күрделілігін жоймайды. Дегенмен, швейцариялық ғалымдардың жетістігі бұл технологияны дамытуға үлкен мүмкіндік береді деп жоспарланған.