Екі мемлекет арасында келісім бекіді.
Пәкістанның Cnergyico ең ірі мұнай өңдеу компаниясы қазан айында АҚШ-тың West Texas Intermediate (WTI) маркалы 1 миллион баррель мұнайын импорттайды, деп хабарлайды inbusiness.kz сайты EADaily-ге сілтеме жасап.
Cnergyico компаниясы бас директорының орынбасары Усама Куреши Reuters агенттігіне тиісті ақпаратты растады. Қара алтын партиясы дүниежүзілік шикізат трейдері Vitol компаниясынан сатып алынған.
"Бұл – Vitol компаниясымен жасалған ұзақ мерзімді келісім аясындағы сынақ партиясы. Ол коммерциялық тұрғыдан тиімді әрі қолайлы болса, біз ай сайын кем дегенде бір партиядан импорттайтын боламыз", – деді ол.
Мұнай жөніндегі келісім АҚШ президенті Дональд Трамптың Пәкістан экспортына жоғары баж салығын саламыз деген ескертуінен кейін бірнеше ай өткен соң жасалды. Себебі Исламабад Вашингтонмен энергетикалық және сауда байланыстарын кеңейтуге мәжбүр.
2024-2025 қаржы жылында елдің мұнай импорты 11,3 миллиард долларға жетіп, жалпы импорттың 20 пайызын құраған.
