Оларға қатысты әкімшілік хаттама толтырылды.

Бүгінгі таңда сауда саласында жұмыс істейтін кәсіпкерлердің барлығы бақылау-касса машиналарын пайдалануға міндетті. Сол сияқты тұтынушыларға төлемді онлайн жасау мүмкіндігін ұсынуы тиіс, деп хабарлайды inbusiness.kz тілшісі.

Алайда кей бизнес өкілдері мұндай талаптарға немқұрайлы қарап отыр. Мемлекеттік кірістер департаменті жүргізген тексеріс соны көрсетті.

Жалпы жыл басыан бері салық органдары 90 тексеріп жүргізіп, нәтижесінде 78 әкімшілік материал дайындалды. Оның ішінде 64 кәсіпкер бақылау-касса машиналарын дұрыс пайдаланбаса, тағы 14 сауда орнында POS-терминал болмай шықты. Олардың барлығы әкімшілік жауапкершілікке тартылды.

Сауда операциялары, қызметтерді орындау кезінде ақшамен есеп айырысуда бақылау-касса машиналары қолданылмаса, кәсіпкерлерді жаза күтіп тұрады. Алдымен құзырлы органдар ескерту жасайды. Жағдай қайталанса, 20-40 АЕК көлемінде айыппұл арқалайды.

Ал банк картасы арқылы төлем қабылдайтын арнайы терминалы жоқ кәсіпкерлерге 40-80 АЕК көлемінде айыппұл қарастырылған.