Жыл басынан бері 4 лауазымды тұлға жауапкершілікке тартылған.

Кәсіпкерлердің құқықтарын қорғау көлік прокуратурасының тұрақты бақылауында. 2026 жылдың алғашқы төрт айында бизнеске негізсіз қысым көрсету фактілері анықталып, тексеру нәтижесінде төрт лауазымды тұлға әкімшілік жауапкершілікке тартылды, деп хабарлайды inbusiness.kz сайты.

Павлодар облысында "ҚТЖ – Жүк тасымалы" – "ЖТ Павлодар бөлімі" ЖШС филиалы мен "СВХ Екібастұз" ЖШС "Ертіс Агро" СҚК-нің жүк тиелген вагондарын заңсыз ұстап, инвестордың қызметіне кедергі келтірген.

Павлодар көлік прокуратурасының араласуынан кейін қойылған шектеулер алынып тасталып, кінәлі тұлғалар Қазақстан Республикасының Әкімшілік құқық бұзушылық туралы кодексінің 173-бабы бойынша жауапкершілікке тартылды.

Осындай заң бұзушылық "Майқапшағай" кеден бекетінде де анықталған. Онда "Format Mach Company" ЖШС өз өнімін кеден органдарының кінәсінен 20 күннен астам уақыт бойы шығара алмаған.

Шығыс Қазақстан көлік прокуратурасының қадағалау актілерінен кейін шектеулер жойылып, жауапты тұлға әкімшілік жауапкершілікке тартылды.

Бас көлік прокуратурасы кәсіпкерлерге қысым көрсету әрекеттерінің жолы кесілетінін және кінәлілер заң аясында жауап беретінін мәлімдеді.