Бұл туралы төтенше жағдайлар министрлігі хабарлады .

Бүгін сағат 07:30-да Алматы тауларында ауқымды іздестіру-құтқару жұмыстары барысында ұшқышсыз ұшу аппаратының көмегімен теңіз деңгейінен 3000 метрден астам биіктікте адам мәйіті табылды, деп жазады inbusiness.kz сайты.

Алматы құтқару қызметінің мәліметінше, құтқарушылар табылған орынға жедел түрде аттанып, мәйітті тасымалдау жұмыстарын бастады.

Қазір оқиға орнында жедел штаб жұмыс істеп жатыр.

Айта кетейік, 6 шілде күні сағат 11:46-да Төтенше жағдайлар департаментіне 2007 жылғы азаматтың жоғалғаны туралы хабарлама түскен. Оның ағасының айтуынша, жасөспірім 2 шілдеде тауға кетіп, қайтып оралмаған.

Іздеу жұмыстарына ТЖМ РЖҚЖ мен ТЖД-ның 44 құтқарушысы, 109 Құтқару қызметі, шекара қызметі мен полиция қызметкерлері, еріктілер, сондай-ақ 8 техника, 3 ұшқышсыз ұшу аппараты, дрондар, 4 ит және ҚР ТЖМ авиациясы жұмылдырылды.