Бұл туралы жергілікті БАҚ жазды .

Қырғызстан АҚШ Мемлекеттік департаменті миграциялық емес визалардың мерзімін қысқартқан елдердің тізіміне енді, деп хабарлайды inbusiness.kz сайты 24.kg басылымына сілтеме жасап.

Бұл туралы АҚШ-тың Қырғыз Республикасындағы елшілігі хабарлады.

Жаңа ережелерге сәйкес, көші-қондық емес (туристік және іскерлік) визалар енді тек 3 ай мерзімге және бір рет қана кіруге беріледі.

Елшілік мәліметінше, мұндай жаңашылдық АҚШ-тың көші-қон жүйесінде болатын заңбұзушылықтарды анықтау және алдын алу мүмкіндігін арттырады.

Құзырлы орган АҚШ президенті Трамптың "АҚШ-ты шетелдік террористерден және ұлттық әрі қоғамдық қауіпсіздікке төнетін өзге де қауіптерден қорғау туралы" Жарлығына зер салды. Бұл құжатта виза беру процесі елге келетін шетелдік азаматтардың АҚШ-тың ұлттық және қоғамдық қауіпсіздігіне қатер төндірмейтінін қамтамасыз етуі тиіс екені көрсетілген.

Басылымның жазуынша, АҚШ тағы 36 елдің азаматтарына қатысты виза беруге шектеу қою мүмкіндігін қарастырып жатыр. Бұл қатарда Қырғызстан да бар.