Оқыс оқиғадан кейін зардап шеккен спортшыға жедел түрде алғашқы медициналық көмек көрсетілген.

Қостанай ауданына қарасты Заречное ауылында дәстүрлі көкпар жарысы кезінде оқыс оқиға орын алды, деп хабарлайды inbusiness.kz сайты.

Қостанай ауданы әкімдігінің хабарлауынша, жарыстарда медициналық қамтамасыз ету толық көлемде ұйымдастырылған – барлық спорт алаңында жедел жәрдем бригадалары кезекшілік атқарған. Оқыс оқиғадан кейін зардап шеккен спортшыға жедел түрде алғашқы медициналық көмек көрсетілген.

Дәрігерлердің айтуынша, спортшының аяғы шығып кеткен. Жағдайы қанағаттанарлық, ол дәрігерлердің бақылауында және өздігінен жүріп-тұра алады. Өмірі мен денсаулығына қауіп жоқ.

Ұйымдастырушылар жағдайды бақылауда ұстап отырғандарын айтып, спортшыға тез сауығып кетуін тіледі.