Қазір алаяқ ұсталып, қылмыстық жауапкершілікке тартылуда , деп жазады inbusiness.kz сайты.

Облыстық полиция департаментінің баспасөз қызметінің мәліметінше, алаяқ өзін ұйымдасқан қылмыспен күрес басқармасының қызметкерімін деп таныстырып, айыппұл төлеу қажеттілігі туралы жалған сылтаумен 1983 жылғы әйелдің ақшасын заңсыз алған.

"Аталған дерек бойынша жедел іздестіру іс-шаралары барысында БҚО полиция департаментінің өзіндік қауіпсіздік басқармасы мен арнайы мақсаттағы бөлімше қызметкерлері 1995 жылғы күдіктіні қолға түсірді. Ол өз кінәсін толық мойындады. Тінту кезінде банк қосымшасынан үзінді көшірме және екі ұялы телефон тәркіленді. Қазіргі уақытта аталған дерек бойынша ҚР ҚК 190-бабы 1-бөлігіне (алаяқтық) сәйкес сотқа дейінгі тергеп-тексеру амалдары жүргізілуде", — деп хабарлады ведомство.

Аталған бап бойынша айыпты деп танылған адамның мүлкі тәркіленіп, бір мың айлық есептiк көрсеткiшке дейiнгi мөлшерде айыппұл төлейді не сол мөлшерде түзеу жұмыстарына не алты жүз сағатқа дейінгі мерзімге қоғамдық жұмыстарға тартылады. Бұдан бөлек, екі жылға дейiнгi мерзiмге бас бостандығы шектеліп немесе сол мерзiмге бас бостандығынан айырылады.