Мәжілісте "Жалпы сипаттағы трансферттерді анықтаудың жаңа тәсілдері" тақырыбында Үкімет сағаты өтіп жатыр.

Үкімет жалпы сипаттағы трансферттерді айқындаудың жаңа әдістемесін әзірлеп жатыр. Бұл туралы Мәжіліс төрағасының орынбасары Дания Еспаева айтты, деп хабарлайды inbusiness.kz сайты.

"Күзде Мәжілісте алдағы үш жылдық "Жалпы сипаттағы трансферттер туралы" және "Республикалық бюджет туралы" заңдарды қараймыз. Бұл заңдар осы жылдың наурыз айында Президент қол қойған жаңа Бюджет кодексінің нормалары ескеріле отырып, дайындалатын болады. Қазір Үкімет Жалпы сипаттағы трансферттерді, яғни, республикалық бюджеттен облыстық бюджеттерге жіберілетін субвенцияларды айқындаудың жаңа әдістемесін әзірлеп жатыр. Сондықтан, қазірден жаңа тәсілдер бюджетаралық қатынастарды шешуге, өзекті сұрақтарды анықтауға қаншалықты мүмкіндік беретінін түсінуіміз керек", — деді Дания Еспаева.

Оның айтуынша, одан кейін Үкімет кемшіліктерді жою жөніндегі шараларды әзірлеп үлгеруі тиіс.