IATA ел үкіметтерін әуе компанияларының қызметіне қатысты шектеулерді жоюға шақырды.

2024 жылы әуе компанияларының жалпы сомасы 1,7 миллиардами доллар қаражаты бұғатталса, 2025 жылғы сәуірдің соңындағы мәлімет бойынша, оның көлемі 1,3 млрд долларға азайған. Дегенмен, Әуе транспортының халықаралық қауымдастығы (IATA) оның әлі де тым көп екенін ескертіп, ел үкіметтерін әуе компанияларының қызметіне қатысты кедергілерді жоюға шақырды. Қауымдастық бұл туралы Үндістан астанасы Нью-Делиде басталған дәстүрлі жылдық жиналысында мәлім етті.

IATA дерегінше, бұғатталған қаржының 80 пайызы (1,03 млрд доллар) 10 елге тиесілі. Олар: Мозамбик, XAF аумағы (Камерун, ОАР, Чад, Коног, Экваторлық Гвинея, Габон), Алжир, Ливан, Бангладеш, Ангола, Пәкістан, Эритрея, Зимбабве, Эфиопия.

"Бұғатталған қаржыны уақытылы қайтару әуе компаниялары үшін өте маңызды. Ол компания үшін өз шығындарын жабуға және қызметін әрі қарай жүргізу үшін қажет. Оны кешіктіру не мүлде бермей екіжақты келісімдерді бұзады және валюта курсы үшін де қауіпті. Көптеген әуе компанияларының табысы онсыз да өте төмен. Экономика мен жұмыс орындары халықаралық байланысқа тікелей тәуелді. Сондықтан, ел үкіметтері табысына қол жеткізе алмай жатқанда, әуе компанияларымен байланысты сақтау өте қиын екенін түсінуі керек", – деді IATA бас директоры Уилли Уолш.

Оның айтуынша, өткен жылмен салыстырғанда Пәкістан мен Бангладеш әуе компанияларының бұғатталған қаржы көлемі бойынша біршама жақсарғанымен, Мозамбикте жағдай керісінше күрделене түскен. Егер өткен жылы бұғатталған қаражат 127 миллион доллар болса, биыл оның көлемі 205 миллион долларға жеткен.

Бұғатталған қаражаттың 85 пайызы Африка мен Таяу шығыс өңіріне тиесілі. Бұл елдерде бұғатталған қаржы көлемі 2025 жылғы сәуірдің соңындағы мәліметке сәйкес, 1,1 миллиард долларға тең.

Оқи отырыңыз:

• Тариф дауына қарамастан, әлемде жолаушылар мен жүктің әуе тасымалы арта түсті
• Қазақстан цифрлық құралдар арқылы тіркеуді жеңілдету бойынша ХААҰ бастамаларын қолдады