Қазақстан мен Франция азаматтық авиация саласында кадрларды даярлау бойынша ынтымақтастық туралы келісімге келді.

Мемлекет басшысының мамандарды даярлау жүйесін жаңғырту және халықаралық ғылыми-білім беру орталықтарымен ынтымақтастықты дамыту жөніндегі тапсырмасы аясында Көлік вице-министрі Талғат Ластаев бастаған қазақстандық делегация Францияның Азаматтық авиация ұлттық мектебінің директоры Оливье Шансумен жұмыс кездесуін өткізді. Кездесу барысында Астанада еуропалық деңгейдегі авиациялық оқу орталығын ашу мәселелері талқыланды. Аталған орталық азаматтық авиация саласындағы заманауи білім беру стандарттарының өңірлік орталығына айналмақ.