Жаңа тағайындауды жеке құрамға Ұлттық ұланның Бас қолбасшысы генерал-лейтенант Аңсаған Балтабеков таныстырды.

Қазақстан Республикасы Президенті Әкімшілігінің келісімі бойынша және Ішкі істер министрінің бұйрығына сәйкес полковник Ернұр Жүнісов Қазақстан Республикасы Ішкі істер министрлігі Ұлттық ұланы Бас қолбасшысының орынбасары болып тағайындалды, деп хабарлайды inbusiness.kz сайты.

Ішкі істер министрінің тапсырмасы бойынша жаңа орынбасарды жеке құрамға Қазақстан Республикасы Ішкі істер министрінің орынбасары – Ұлттық ұланның Бас қолбасшысы генерал-лейтенант Аңсаған Балтабеков таныстырды.

Құқықтық тәртіп әскерінің Бас қолбасшысы полковник Ернұр Жүнісовтің қызмет жолында жинаған тәжірибесіне тоқталып, өзіне жүктелген міндеттерді абыроймен атқаратынына сенім білдірді.

Ернұр Жүнісов бұған дейін құқық қорғау органдары жүйесінде басшылық қызметтер атқарған.

Адал қызметі үшін II дәрежелі "Айбын" орденімен, сондай-ақ мерейтойлық және ведомстволық наградалармен марапатталған.