Kezdesu-дің кезекті қонағы — әнші Бақыт Тұрман. Өнер иесі сұхбат барысында киноға қатысты сыннан кейін Мөлдір Мұқан туралы айтты, — деп хабарлайды Massaget.kz тілшісі.

"Бізде халық өз ойын білдіруге рұқсат етпейді екен, ұрыс естіп қалады екенсің. Ол жерде бір нәрсе бар: ол киноға ең бірінші болып баруым. Шақырту алып, жабық көрсетілімге бардым. Халыққа "неге сен ең бірінші шығып айттың?" дегендей түсініксіз болып қалды. Өйткені мен ең бірінші бардым ғой. Кез келген киноға барған кезде кинодан шыға сала "киноны көрдім, осындай ұнады, осындай ұнаған жоқ" деп айтамын. Білетіндер біледі, білмейтіндер "неге айттыңыз?" деп жатыр. Кез келген жерде анализбен жүретін адаммын. Кинодан шыға сала кино туралы ойымды білдірдім. Ұнамаған жерлерін айттым. Одан кино тоқтап қалған жоқ, одан халық бармай қалған жоқ. Ұрыс-керіс, көре алмаушылық емес, бұл жерде тек пікір", — деді әнші.

Бақыт Тұрман Мөлдір Мұқанмен арақатынасы туралы да айтты.

"Сыннан кейін ол кісімен хабарласқан жоқпыз. Бірақ сол сын айтылған кезде бірден келесі күні дайрекке жазды. Мысалы костюмдер туралы айтқан кезде "ол рас" деп жазды. Дубляж туралы айттым, "дубляждың сапасы шамалы" дедім. "Дубляж жасамаған едік" деді. Ол кісі өзінің жіберген қателерін мойындап, айтты. Мен "мені енді ешкім киноға шақырмайтын шығар" дегенде, "жоқ, біз сені шақырамыз" деді. Сол жерде бұл тақырып бітіп қалған", — деді ол.

Сұхбаттың толық нұсқасын YouTube арнадан көре аласыздар.

Аптаның басты оқиғалары мен пайдалы видеоларды көру үшін YouTube арнамызға жазылыңыз