Ауғанстан мен Пәкістан келіссөз өткізеді
19.10.2025
Ауғанстан мен Пәкістан арасындағы текетірес ушығып тұр. Тараптар жағдайды реттеуге ниетті. Екі елдің делегациялары Қатар астанасы Дохаға барып, ұзақ жылдарға жалғасқан дағдарысты реттеу үшін келіссөз өткізеді.
14 қазан күні екі елдің шекарасында қарулы қақтығыс болып, ондаған адам қаза тапқан еді. Жүздеген адам ауыр жарақат алды. Кейін шабуылды тоқтату туралы уақытша келісім күшіне енді. Алайда оның арты лаңкестік әрекеттерге ұласып кетті.
