Үржардағы көлік апатынан зардап шеккен жасөспірімдердің бірі жансақтау бөлімінен шықты.
Кеше ұл бала бейінді бөлімге ауыстырылды. Ал қыз бала әлі де ақ халаттылардың қатаң қадағалауында болады. Айтайық, апаттан кейін олар Астанаға ұшақпен жедел жеткізілген еді. Қазір бүлдіршіндердің жағдайы қалыпты, жақсарып келеді. Қажетті көмек көрсетіліп жатыр,- дейді дәрігерлер. Ал Абай облысында қалған жеткіншектің жағдайы ауыр. Естеріңізге салайық, екі күн бұрын Бестерек ауылында тайота көлігін тізгіндеген жүргізуші ойнап отырған 6 баланы қағып кеткен. Өкінішке қарай, 3 жасөспірім оқиға орнында жан тапсырды.
