Қалалық санитариялық-эпидемиологиялық бақылау департаментінің мәліметінше, зиянкестен зардап шеккендер саны былтырғыға қарағанда 30%-ке артқан, деп хабарлайды 24kz.

Науқастарға кенеге қарсы екпе салынып, медициналық тексерулер тағайындалды. Зерттеу қорытындысы бойынша олардың екеуі конго-қырым қанды қызбасына шалдыққаны анықталды. Науқаспен қарым-қатынаста болғандар да оқшауланды.

«Қазір барлығының жағдайы қалыпты, өміріне қауіп төніп тұрған жоқ», — дейді мамандар. Ал ауру ошақтары ретінде Түркістан облысының Келес, Сайрам аудандары тіркелді. Осыған байланысты кенеге қарсы санитарлық қорғаныш аймақтары құрылды. Конго-қырым қанды қызбасына 11 шағын аудан қолайсыз деп танылды

Айгүл Тұрымбетова, қалалық санитарлық-эпидемиологиялық бақылау департаменті басшысының орынбасары:

- 530 адамды кене шағып, медициналық көмекке жүгінген. Барлығы медициналық бақылауда 14 күн болып, сауығып кеткен. Ал өткен жылы 387 адам ауырған болатын. Конго-қырым қызбасының табиғи ошақтарының болу себебі эндемиялық аймақтарта иксод кенелерінің мекендеуінен болып тұр.