Биыл әлемде 67 журналист кәсіби міндетіне байланысты ажал құшты. Бұл туралы «Шекарасыз тілшілер» құқық қорғау ұйымы мәлімдеді.
БАҚ қызметкерлері үшін аса қауіпті өңір – Газа секторы деп танылды. Қызметтік міндетін атқару кезінде секторда 29 тілші көз жұмған. Әлем бойынша қазір 503 журналист қамауда отыр. Бұл көрсеткіш өткен жылмен салыстырғанда сәл төмен. Олардың жартысына жуығы Қытай, Ресей, Мьянма, Израиль және Беларусь елдерінде ұсталған. Бұдан бөлек, әлемде тағы 135 маман хабар-ошарсыз кеткен деп есептеледі. Олардың басым бөлігі Таяу Шығыс пен Латын Америкасында жоғалған.
