Қазақстан құрамасы EuroSkills Herning чемпионатында 7 бағыт бойынша үздік атанды. Байрақты бәсеке Данияда өтті.

Жұмысшы мамандықтарды дәріптейтін сайыс колледж студенттері арасында ұйымдастырылды. Оған 32 елден 25 жасқа дейінгі 600 үздік жас маман қатысты. Жерлестеріміз 25 аталым бойынша бақ сынап, соның жетеуінде тарихи жеңіске қол жеткізді. Атап айтсақ, веб-технологиялар, мехатроника, графикалық дизайн, желілік әкімшілендіру, инженерлік дизайн санаттарында қазақстандық өрендердің жұмысы жоғары бағаланды. EuroSkills – Еуропадағы ең ірі жас мамандар чемпионаты. Оның басты мақсаты – кадр даярлау саласындағы заманауи стандарттар мен жетістіктерді паш ету.