Қазақстан жақында Вьетнамға Қытайдың Ляньюньган порты арқылы бидайдың алғашқы легін жөнелтті.

Ал Ауғанстанда Пәкістан нарығына шығуға мүмкіндік беретін «Тургунди – Герат» темір жолын салу жоспарда бар. Жаңа көлік бағыттарына және жаңа нарықтарға жол ашатын мүмкіндіктер мұнымен шектелмейді. Ал елімізде биыл 836 шақырым болатын «Достық – Мойынты» темір жолының екінші желісі іске қосылады. Бұл жол «Шығыс-Батыс» бағытының жүк өткізу мүмкіндігін айтарлықтай арттырады. Президент бүгінгі жолдауында, Үкіметке «Бақты-Аягөз», «Қызылжар-Мойынты» жобаларын уақытылы жүзеге асыруды тапсырды. Себебі бұл жобалар еліміздегі теміржол жүйесінің толық қаңқасын қалыптастырады.

Теміржол жүйесінің толық қаңқасы

836 км — «Достық – Мойынты» темір жолы

«Бақты-Аягөз»

«Қызылжар-Мойынты»

Қасым-Жомарт Тоқаев, Қазақстан Республикасының Президенті:

- Биыл ұзындығы – 836 шақырым болатын «Достық – Мойынты» темір жолының екінші желісі іске қосылады. Жобаны өз күшімізбен өте қысқа мерзім ішінде жүзеге асырдық. Бұл жолдың мән-маңызы ерекше, себебі «Шығыс-Батыс» бағытының жүк өткізу мүмкіндігін айтарлықтай арттырады. Бірақ мұнымен тоқтап қалуға болмайды. Үкімет «Бақты-Аягөз», «Қызылжар-Мойынты» жобаларын уақытылы жүзеге асыруға тиіс. Себебі аталған жобалар еліміздегі теміржол жүйесінің толық қаңқасын қалыптастырады.