Елордада «Астана – есірткісіз қала» акциясы басталды. Қатысушылар еліткіш заттарды жойып, есірткі бизнесіне тоқтау салуға ниетті. Акция бір ай бедерінде өтеді. Шараға тұрғындармен қатар танымал тұлғалар, блогер мен жастар атсалысты.

26 мамыр – Дүниежүзілік нашақорлыққа қарсы күрес күні. Атаулы дата қарсаңында елордалық белсенділер «Астана – есірткісіз қала» акцисын бастады. Мұнда тұрғындарға түсіндірме жұмыстары жүргізіліп, есірткі өнімдерінің жарнамасы жойылды.

Әлия Қибатқызы, Астана қаласы ПД Есірткі қылмысына қарсы іс-қимыл басқармасының қызметкері:

- Бір ай бойы пофилактикалық іс-шаралар өткізіліп жатыр. Іс-шара Астана есірткісіз қала атты жоспар аясында өткізіліп отыр. Қазіргі таңда есірткіге байланысты проблема ахуал пробмалардың бірі болып есептеледі. Бұл қылмысқа қазір әсіреес жастарды, жасөспірімдерді баулып жатыр. Сондықтан «жоқ» дей алыңыздар, есірткіге ешқашан жоламаңыздар. Тек салауатты өмір салтын сүріңіздер деп айтамыз.

Акцияға полиция қызметкерлерімен қатар тұрғындар, танымал тұлғалар атсалысты. Сондай-ақ спортшылар мен жастар да қатысушылардың қатарынан табылды. Олар есірткіге қарсы ұранға үн қосуға ниетті.

Нұргелді Кердеш, блогер:

- Жастарымызды тек қана спортқа баулуымыз керек. Сондай-ақ махаббат және ең бастысы отбасы. Қанша жастар қазір есірткінің кесірінен зардап шегіп жатыр. Сондықтан да, жастар, жеңіл жол іздемеңдер. Оның арты үлкен қылмыс. Сондықтан дұрыс жолмен жүріңдер. Ата-аналарыңды ойлаңдар, туысқандарыңды ойлаңдар.

Айгерім Жәнібек, Астана қаласының тұрғыны:

- Есірткісіз қала ол қазіргі таңда өте актуалды тақырыптардың бірі деп айта аламын. Мысалға, бір рет есірткі қолданған адам ол мәңгі тәуелді болып қала алады.

Айтайық, акция маусымның аяғына дейін жалғасады. Бір айдың бедерінде 40 астам түрлі іс-шара ұйымдастырылады.

Авторы: Шернияз Жалғасбекұлы