Биыл елдегі медициналық колледждер 29 мыңға жуық маман даярлап шығарды.

Маусымның 16-сы мен шілденің 2-не дейін жалғасқан мемлекеттік емтиханды түлектердің 96 пайызы сәтті тапсырған. Мыңнан астамы ғана мардымсыз көрсеткішке ие болды. Жалпы республика бойынша орташа балл 75,3 –ті құраған. 28 900-ден астам түлек мемлекеттік емтиханды қазақ тілінде тапсырыпты. Орыс тілінде тапсырғаны 8 мыңнан асады. Тестілеу қорытындысы бойынша ең жоғары орташа балл алған колледждердің тізімі жарияланды. Ең жоғары орташа көрсеткіш — 85,9 балды құраған. Айта кету керек, елде медициналық мамандарды даярлайтын 25 мемлекеттік және 69 жеке меншік колледж бар.