Таяуда Астанадағы мектептердің бірінің маңында төбелескен барлық жасөспірім анықталып, полиция бөліміне жеткізілді.

Қоғамдық орында бұзақылық жасағаны үшін кәмелетке толмағандарға әкімшілік іс қозғалды. Осындай оқиғалардың алдын алу бойынша мектеп кеңесінің отырысы өткізілді. Балалар мектепішілік есепке қойылып, жеке профилактикалық жұмыс жоспары бекітілді. Олармен және ата-аналарымен психологиялық-педагогикалық, тағы құқықтық жұмыстар жүргізілді. Құқықбұзушылықтың салдары түсіндірілді.

Эльмира Шәуленова, қалалық Полиция департаменті баспасөз қызметінің бастығы:

- Жиналған материалдар әкімшілік құқықбұзушылықтар жөніндегі мамандандырылған ауданаралық сотқа жолданды. Астана қаласы полиция департаменті ата-аналарды балалардың мінез-құлқы мен бос уақытын қадағалауға ерекше назар аударуға шақырады.