Атырауда жаңа салық Кодексін түсіндіру мақсатында шағын және орта кәсіп иелеріне арналған семинар өтті.

Іс-шара барысында Мемлекеттік кірістер комитетінің өкілдері салық салу жүйесіндегі жаңашылдықтар мен жеңілдіктерді таныстырды. Атап айтқанда, шағын және орта бизнес үшін арнайы салық режімі енгізіліп, есеп тапсыру мен әкімшілік жүктеме едәуір жеңілдетілмек. Атырау облысының экономикалық маңыздылығын ескере отырып, семинарда мұнай-газ секторындағы шағын және орта бизнестің рөліне ерекше назар аударылды.

Айнұр Сартаева, ҚР Қаржы министрлігі Мемлекеттік кірістер комитеті басқарма басшысының орынбасары:

- Жаңа салық Кодексінде көптеген өзгеріс бар. Жалпы бұл бірнеше салық ставкаларының өзгеруі, яғни жеке табыс салығы, қосылған құн салығы, корпоративтік табыс салығы. Осындай ірі-ірі салықтардың ставкалары өзгеріп, кейбір салықтардың ставкалары сараланып отыр.