Премьер-министр Олжас Бектенов Үкімет пен әкімдер жұмысының тиімділігі ең алдымен азаматтардың өмір сүру сапасын жақсарту бойынша бағаланатынын айтты, — деп хабарлайды Massaget.kz тілшісі.

"Бүгінде әлеуметтік міндеттемелер толық орындалып жатыр. Келесі жылы әлеуметтік қажеттіліктерге бөлінетін шығынның пайыздық арақатынасын оңтайландыру жүргізіледі. Қаражатты теңгерімді жұмсау мақсатында мемлекеттік қолдау шараларының бірыңғай цифрлық платформасы әзірленді. Негізгі мақсат — ресурстарды шын мәнінде көмекке мұқтаж жандардың пайдасына қайта бөлу. Мемлекет басшысы атап өткендей, біз масылдық психологияға тосқауыл қоюымыз керек. Цифрландырудың арқасында біз табысы жоғары отбасыларға көрсетілетін мемлекеттік қолдау шараларын тоқтатып, бұл қаражатты қиын жағдайға тап болған адамдарға бағыттауды жоспарлап отырмыз", - деді премьер-министр.

Қазір скоринг жүйесін сынақтан өткізу үшін Шымкент қаласында, Қарағанды облысында пилоттық жоба жүргізіліп жатыр.

Қызықты жаңалықтар мен видеоларды көру үшін TikTok арнамызға жазылыңыз!