Балалар омбудсмені «Бағанашыл» төңіргегіндегі мәселеге қатысты пікір білдірді. Динара Зәкиева бүгін көшірілмек болған балалар үйіндегі жеткіншектер емес, кәмелетке толмағандарды бейімдеу орталығының тұрғындары екенін айтты.

Олар онда уақытша орналастырылған. Яғни өмірлік қиын жағдайға тап болып, өңірдің әр түкіпірінен келгендер,-дейді. Ал Қонаев қаласына қоныс аударудың кілт тоқтатылуын – әкімдік көшіру кезінде қауіпсіздікті қамтамасыз етпегенімен байланыстырады. Салдарынан аталған мекеменің бір түлегі есінен танып қалған. Тағы бір ұлдың аяғынан жара анықталған. Сонымен Бағанашыл шағын ауданындағы балалар үйінің балалары оқуын жалғастыру үшін қалада қалады. Ғимарат облыстық бағыныстан шығарылып, Алматы қаласына беріледі,-деді Динара Зәкиева.