Шымкентте 50 мемлекеттік қызметкер онлайн-бәс тігуге қатысқаны үшін жұмысынан айырылуы ықтимал. Бұл әрекет сыбайлас жемқорлыққа қарсы заңды бұзады, деп хабарлайды Skifnews.kz ақпарат порталы.

Прокуратураның мәліметінше, бір жылдың ішінде 160-тан астам шенеунік букмекерлік кеңсенің бірінде бәс тігіп, жалпы 757 млн теңге жұмсаған. Ережені бұзғандар тәртіптік комиссияның қарауына жіберіледі.

Прокуратура өкілдері еске салғандай, онлайн-бәс тігу — қызметтен босатуға негіз болып табылады. Сондай-ақ олар қазақстандықтар үшін eGov Mobile қосымшасы арқылы 10 жылға дейін құмар ойындарға тыйым салу мүмкіндігі бар екенін атап өтті.