Германияда XXXII жазғы Универсиада ойындарының ресми ашылу салтанаты өтті. Байрақты бәсекеге 160 елден келген 8500 студент-спортшы қатысады. Олардың арасында спорттың 12 түрі бойынша ел намысын қорғайтын жерлестеріміз де бар.

Ашылу салтанатында Мемлекеттік туды, ұлттық киім киген таэквондошы Батырхан Төлеуғали ұстап шықты. Ол жастар арасындағы Азия және Әлем чемпионатың жүлдегері. Сондай-ақ Париж Олимпиадасының қатысушысы. Салтанатты шеруде таэквондошылар, теннисшілер мен семсерлерсушілер және ұлттық құрама делегациясы жүріп өтті. Жарыс Германияның 6 қаласында өтеді. Атлеттер спорттың 18 спорт түрі бойынша жүлделерді сарапқа салады. Ел намысын 76 спортшы қорғайды. Дода 27 шілдеге дейін жалғасады. Оны «Qazsport» телеарнасы тікелей эфирде көрсетеді.

Телжан Күдеров