АҚШ-та алапат тасқыннан 2 адам қаза тапты
16.07.2025
АҚШ-тың Нью-Джерси штатында жауын құйып, оның соңы алапат тасқынға ұласты. Салдарынан талай үй су ортасында қалған. Апатқа байланысты штат губернаторы Филл Мерфи төтенше жағдай жариялады. Әсіресе, Сомерсет округі мен Плейнфильд қаласындағы жағдай қиын. Соңғысында екі адам қаза тапты. Олардың мәйіті суға кеткен көліктің ішінен табылған. Мерфидің ойынша, аймақтағы табиғи апаттардың жиілеуі мен ауа-райына байланысты төтенше оқиғалардың көбейіп кетуіне климаттың өзгеруі себепші.
Арыстан Рысбек
