Кеше түнде футболдан клубтар арасындағы әлем чемпионатының финалында «Пари Сен-Жермен» мен «Челси» командалары кездесті .

Коул Палмер 22-минутта және 30-минутта екі гол салды. Ал ойынның 43-минутында оның шығарған пасын әріптесі Жоао Педро тиімді пайдаланып, басымдықты арттыра түсті. Осылайша англиялық клуб қарсыласын 3:0 есебімен жеңіп, клубтар арасындағы Әлем чемпионатында бас жүлдеге қол жеткізді.

Айта кетейік, Әлем чемпионатының жүлде қоры — 1 миллиард доллар. Аталған турнирде чемпион болған команда 125 миллионды иеленеді. Қалған қаражатты қатысушы 31 клуб алған орындарына байланысты бөліседі. Доп додасында 32 команда сынға түсті.

Азамат Бейбітұлы