Еліміздің жалпы ішкі өнім көлемі 5,6%-тен асты, деп хабарлайды 24kz.

Бұған мұнай, тау-кен өндірісі және құрылыс саласындағы өсім ықпал еткен. Дей тұрғанмен, инфляция деңгейі де төмендемей тұр. Мамыр айында ол 11%-тен асқан. Еуразиялық тұрақтандыру және даму қоры мамандарының болжамына сәйкес инфляциялық өзгерістер доллар бағамына әсер етуі мүмкін.

Ғалымжан Айтқазин, Еуразиялық тұрақтандыру және даму қорының қазақстан бойынша экономисті:

- Инфляцияның өсімі осы жылы ұлғайды. 10%-тен асып кетті. Мамыр айында 11,6%-ке дейін ұлғайды. Бұл мемлекет үшін үлкен риск. Себебі, Ұлттық банкке базалық мөлшерлеме көтеру керек болады және де мемлекет тарапынан да инфляцияны тоқтату үшін кейбір шаралар қолдану керек. Себебі, инфляцияның қатты ұлғаюы экономикалық өсім үшін де, қарапайым адамдар үшін де қиын жағдай тудырады.