Премьер-министр Олжас Бектенов Қазақстанға Астана халықаралық форумына қатысу үшін келген Түркі мемлекеттері ұйымының Бас хатшысы Кубанычбек Өміралиевпен кездесу өткізді.

Онда сауда-экономикалық ынтымақтастықты жандандыруға және өзара жеткізілімдер ауқымын кеңейтуге назар аударылды. Былтыр Қазақстанның ұйымға мүше мемлекеттермен тауар айналымы 11 млрд 400 млн долларды құрады. Кездесу барысында гуманитарлық бастамалар да талқыланды. Биылдан бастап Ақтау Түркі әлемінің мәдени астанасы болып жарияланды. Ал маусым айынан бастап Алматы қаласы Түркі мемлекеттері ұйымының жастар астанасы болып бекиді. Оның аясында түркі әлемінің мәдениеті мен тарихи мұрасын сақтауға және насихаттауға бағытталған бірқатар іс-шара жоспарланған.