Алматының Жетісу ауданында №1 емхананың жаңа бөлімшесі ашылды.

Мұндағы мақсат – медициналық көмектің қолжетімділігі мен сапасын арттыру. №1 емханаға қарайтын адам көп. Бас ауырып, балтыр сыздаса, барлығы сол жерге көмекке жүгінетін. Мекеме тарлық қылған соң қосымша ғимарат салуға тура келді. Жаңа бөлімше 20 мың тұрғынға қызмет көрсетеді. Күніне 200 пациент қабылдайды. Алғашқы медициналық-санитарлық көмек, профилактикалық тексерулер мен екпе жасалады. Дәріхана, рентген, ультрадыбыстық зерттеу аппараты, ЛОР және офтальмолог кабинеттері бар. Бүгінде Жетісу ауданында 200 мыңға жуық адам тұрады. Соның 135 мыңы мемлекеттік емханаларға тіркелген.

Ақмарал Камалова, №1 қалалық емхана директорының орынбасары:

- Жақын жерде тұратын тұрғындарға ыңғайлы болу үшін, яғни ешқандай автобус ауыстырмай, 20 минут аралығында әр тұрғын өзі келіп көмегін алу үшін, өте сапалы қызмет көрсету үшін емханамызда барлық жағдай жасалған. 2026 жылдан бастап емханамыз қабылдауын бастайды.