Қазақстанда үш жаңа әуежай салынады
30.12.2025
Инфрақұрылымды дамыту аясында Зайсаң, Қатонқарағай және Кендірлі елді мекендерінде заманауи әуе айлақтары бой көтереді, деп хабарлайды Egemen.kz.
24.kz-тің хабарлауынша, жыл басынан бері Қазақстанда 25-тен астам жаңа авиабағыт іске қосылды. Енді отандық жолаушылар Шанхай, Гуанчжоу және Мюнхен қалаларына тікелей рейстермен ұша алады.
Мемлекет басшысы Астанада жаңа әуежай салуды ұсынды
Әуе қатынасынан бөлек, жол саласы да қарқынды дамып келеді. Қазіргі таңда республика бойынша 13 мың шақырым автомобиль жолының құрылысы жүргізіліп жатыр. Теміржол саласында да ірі жобалар қолға алынған: «Қызылжар – Мойынты» учаскесінде екінші жолдар салынып, Алматыны айналып өтетін теміржол желісі, сондай-ақ «Дарбаза – Мақтаарал» және «Бақты – Аягөз» жаңа бағыттары пайдалануға берілмек.
Президент әуе жүк тасымалы бойынша ұлттық компания құру бастамасын қолдады
Бұдан бөлек, мемлекеттік бағдарлама аясында ел көлеміндегі жүзден астам теміржол вокзалында жөндеу жұмыстары жүргізіліп жатыр.
